Íslenski tónlistarmaðurinn Emil Andri Sigurgeirsson gaf út sitt fyrsta lag í dag. Hann er 23 ára gamall tónlistarmaður úr Kópavoginum og kemur úr mikilli tónlistarfjölskyldu. Faðir hans, Sigurgeir Þórðarson, gerði garðinn frægan í hljómsveitinni In Bloom á sínum tíma. 

Lagið heitir Blue Morning Sky og er milt og fallegt. Hann var í sjálfsskoðun þegar hann samdi lagið og er lagið innblásið af kyrrðinni en lagið er líka innblásið af íslenskri náttúru. 

Tilfinningalegt ferðalag ástarinnar er til umfjöllunar í laginu. Hvernig birta ástarinnar virkar þegar hún blómstrar og hvernig tómleikinn hverfur. Það er ekki hægt að segja annað en textinn sé sterkur og einlægur en í laginu opnar Emil hjarta sitt um það hvað það er sársaukafullt þegar ástin hverfur. 

Blue Morning Sky rímar við nýjar raddir í „indie folk tónlist“. Aðdáendur listamanna eins og Ben Howard, José González og Iron & Wine ættu að tengja við tónlist hans. Það var Sigurður Guðmundsson, tónlistarmaður í Hjálmum, sem vann lagið með Emil. 

Blue Morning Sky var valið í hina vinsælu þáttaröð The Darkness eða Dimmu eftir Ragnar Jónasson sem framleidd er af Paramount og CBS og kemur tvisvar fyrir í henni. Verið er að sýna þáttaröðina í Sjónvarpi Símans Premium um þessar mundir. 

Frétt af mbl.is

Ragnar og Eliza mættu í stíl

Tengdar fréttir

Poppkúltúr

Laufey kom Lundúnabúum á óvart

• Ekkert gengur hjá Lopez
• Ber að ofan á afmælisdaginn
• Vinsælustu menn landsins skelltu í hópmynd
• Jessica Simpson óþekkjanleg á nýrri mynd

» Fleiri tengdar fréttir

• Blogga um frétt