Kris Kristofferson er látinn
Setja bókamerki
Bandaríski tónlistarmaðurinn og leikarinn Kris Kristofferson, sem sló í gegn á hvíta tjaldinu í kvikmyndinni A Star is Born, er látinn, 88 ára að aldri.
Fjölskylda hans tilkynnti þetta í gær. Ekki var gefin upp dánarorsökin í tilkynningu fjölskyldunnar.
Kristofferson var heiðursmeðlimur í Frægðarhöll sveitasöngvara auk þess sem hann hlaut Grammy-verðlaunin. Hann var þekktur fyrir smelli á borð við Sunday Mornin Comin Down og Me and Bobby McGee.
Kristofferson spilaði sem sólótónlistarmaður í áratugi. Einnig stofnaði hann ofurgrúppuna The Highwaymen á miðjum níunda áratugnum með Johnny Cash, Waylon Jennings og Willie Nelson.
Kristofferson spilaði í Eldborg í Hörpu árið 2016 við góðar undirtektir. Einnig spilaði hann í fullri Laugardalshöll í júní árið 2004. Áður hafði kappinn haldið tvenna tónleika á Hótel Íslandi árið 1992.
„Erum í miðri hrinu“: Styttist í Eldvörp
Drónamyndskeið frá hápunkti gossins í nótt
Börn hafi engan rétt á leikskólakennslu
Myndir: Grindavíkurvegur aftur undir hraun
Litlar líkur á að hraunið nái til mannvirkja
Hraunið náð Njarðvíkuræð: Fylgjast með raflínu
Líklega komin á seinni hluta hrinunnar í Svartsengi
Mæðgur dæmdar til að greiða 64 milljónir