Madonna syrgir Christopher bróður sinn
Setja bókamerki
Tónlistarmaðurinn Madonna syrgir bróður sinn sem lést úr krabbameini síðastliðinn föstudag, aðeins 63 ára að aldri.
„Bróðir minn Christopher er farinn,“ segir söngkonan í færslu á Instagram. Hún segir jafnframt bróður sinn, Christopher Ciccone, hafa verið sinn nánasta vin og að varla sé hægt að útskýra þau tengsl ítarlegar, líkt og fram kemur á Page-six.com.
Það sem fyrst og fremst límdi systkinin saman var áhugi þeirra á dansi, allt frá því þau voru börn.
Kynhneigð sópað undir teppi
Dansinn átti þátt í að bjarga þeim systkinum frá annars mjög erfiðri æsku þar sem þau ólust upp í Michigan í Bandaríkjunum. Madonna segir ballettkennara þeirra systkina hafa búið til öruggt rými fyrir bróður sinn með því að leyfa honum að vera hann sjálfur í samkynhneigð sinni.
Kynhneigð sem sópað var undir teppið á þessum árum.
Þau fluttu saman til New York og Ciccone dansaði með Madonnu á sviði í upphafi ferils hennar. Síðar varð hann skapandi stjórnandi fjölda tónleikaferðalaga sem Madonna fór í, m.a. Blonde Ambition World Tour og The Girlie Show Tour í byrjun árs 1990.
Töluðust ekki við
Um árabil voru samskipti þeirra systkina ekki auðveld og töluðust þau ekki við um tíma að sögn Madonnu. Erfiðleikarnir hófust með útgáfu bókar Ciccone árið 2008 þar sem hann fór ekki fögrum orðum um systur sína.
Eftir að bróðir hennar veiktist náðu þau sáttum og á dánarbeði Ciccone héldust þau í hendur, lokuðu augunum og dönsuðu saman í huganum.
„Ekki fyrsti karlinn sem gerir ráð fyrir rauða dreglinum“
Allt fullt af glerbrotum og laugin lokuð
Gerðu sér ekki grein fyrir slysahættunni
„Viljum sjá til þess að þetta gerist aldrei aftur“
„Skyndilega orðinn kokhraustur kvenhatari“
Undir áhrifum og ekki í belti í banaslysi
Svandís muni pína Sjálfstæðisflokkinn
Böndin berast að snjallsímum grunnskólabarna