Enska gamanleikkonan Miranda Hart er gift kona.

Hart, sem sló eftirminnilega í gegn í gamanþáttaseríunni Miranda, var gestur í spjallþættinum The One Show á þriðjudag og staðfesti gleðitíðindin í beinni útsendingu.

Leikkonan kom fram í þættinum til að kynna bók sína I Haven’t Been Entirely Honest With You. Í bókinni fjallar Hart meðal annars um samband sitt við eiginmanninn og segir einnig frá því hvernig var að finna hinn eina rétta 49 ára að aldri.

„Hann er besti vinur minn. Við skemmtum okkur saman. Ég er himinlifandi yfir því að vera ung brúður, 51 árs gömul,” sagði Hart meðal annars við þáttastjórnendur The One Show.

Lítið sem ekkert er vitað um manninn sem heillaði Hart en samkvæmt heimildarmanni Daily Mail þá kynntust hjónin þegar hann hjálpaði leikkonunni við að fjarlægja myglu af heimili hennar. 

Hart birti stutt myndskeið á Instagram-síðu sinni eftir upptöku þáttarins þar sem hún og nýi eiginmaður hennar sjást gefa hvort öðru fimmu.

Tengdar fréttir

Ást í Hollywood

Hávær orðrómur um hjónaskilnað

• Skellti sér á skeljarnar á fallegri strönd á Bora Bora
• Sögð hafa vitað um meint framhjáhald Jackman og Foster
• Stjörnuhjón hvort í sína áttina
• Jason Kelce og Taylor Swift láta eins og ekkert sé eftir ljótt atvik

» Fleiri tengdar fréttir

Instagram

Herra Hnetusmjör fagnar átta árum edrú

• Endurgerði þekkt kvikmyndaveggspjald buxnalaus
• Fagnaði tveggja ára frelsi Kleina úr fangelsi með seiðandi ljósmynd
• Elín Metta og Sigurður eignuðust dóttur
• Lára og Jens Hilmar eiga von á barni

» Fleiri tengdar fréttir

• Blogga um frétt