Bandaríska söngkonan Lizzo þreytist seint á því að sýna fylgjendum sínum á samfélagsmiðlum þyngdartap sitt. Lizzo hefur grennst töluvert síðustu mánuði en hugmyndir hafa verið uppi um að hratt og skyndilegt þyngdartap hennar sé annað hvort tilkomið vegna notkunar á Ozempic-þyngdarstjórnunarlyfinu eða vegna fíkniefnaneyslu.

Náttúrulegt þyngdartap og meðvituð ákvörðun

Lizzo hefur alfarið vísað þeim sögusögnum á bug og segist hafa tekið meðvitaða ákvörðun um það fyrr á árinu að taka heilsuna fastari tökum. Nú er árangur erfiðisins loksins farinn að skila sér.

Fylgjendur söngkonunnar jusu hvatningarorðum yfir hana í athugasemdum við myndskeið sem hún deildi af sér sprangandi um á svörtu nærfötum þar sem hún sýndi línurnar á meðan hún klæddi sig í gráan bómullargalla í nokkrum skrefum. Margir sögðu árangurinn áberandi góðan og töldu margir hana nánast óþekkjanlega, svo vel liti hún út.

„Ég sé það í rauninni ekki. Þeir sem þekkja náttúrulegt þyngdartap vita að það gerist ekkert jafnhægt í heiminum og þú tekur ekki eftir fyrr en þú tekur virkilega eftir því,“ er haft eftir Lizzo. Fréttamiðillinn Daily Mail greindi frá. 

Jákvæð líkamsímynd

Lizzo hefur lengi verið talsmaður jákvæðrar líkamsímyndar og segist í gegnum tíðina hafa borið aukakílóin sín stolt. Hins vegar viðurkennir hún að hafa oft borðað of mikið og að ofátinu hafi fylgt vanlíðan.

„Ég er að reyna að minna sjálfa mig á að líkaminn minn þarf næringu. Ef líkami minn á skilið huggun þá á heilinn minn líka skilið að fá huggun,“ segir Lizzo í myndskeiði sem sjá má á Instagram-reikningi hennar. Þar hvatti hún sjálfa sig og aðra áfram í baráttunni við aukakílóin með sjálfsást og mildi að vopni.

Tengdar fréttir

Poppkúltúr

Endurgerði þekkt kvikmyndaveggspjald buxnalaus

• Liam Payne borinn til grafar
• Elton John mætti allnokkrum kílóum léttari
• Fyrrverandi Playboy-kanína fær ekki aðgang að stefnumótaforriti
• Aldís Amah með hlutverk í Hallmark-jólamynd

» Fleiri tengdar fréttir

• Blogga um frétt