Liam Payne er látinn

Breski tónlistarmaðurinn Liam Payne er látinn 31 árs að aldri eftir að hafa fallið niður af þriðju hæð á hóteli í Buenos Aires í Argentínu.

Payne er þekktastur fyrir að hafa verið í hljómsveitinni One Direction. 

Argentíska lögreglan greindi frá þessu í yfirlýsingu. 

„Liam James Payne, tónskáld og gítarleikari, fyrrum liðsmaður hljómsveitarinnar One Direction, lést í dag eftir að hann féll fram af þriðju hæð á hóteli í Palermo,“ sagði í yfirlýsingunni. 

Payne sást á tónleikum Niall Horan, sem var einnig í One Direction, í Argentínu 2. október. 

Breska hljómsveitin One Direction árið 2015. AFP

Rannsaka andlátið 

Lögreglan rannsakar nú hvort um slys eða mögulegt sjálfsvíg var að ræða. 

Lögreglunni barst tilkynning fyrr í dag um árásargjarnan mann sem var mögulega undir áhrifum fíkniefna eða áfengis. 

Er lögregla kom á vettvang fannst lík Payne. 

Payne hefur greint opinskátt frá erfiðleikum sínum vegna áfengisfíknar. 

Hann á sjö ára gaml­an son með söng­kon­unni og sjón­varps­kon­unni Cheryl.

Uppfært:

Frétt af mbl.is

Aðdáendur safnast saman fyrir utan hótelið

• Blogga um frétt