Gústi B. byrjaður með hlaðvarp eftir uppsögnina

„Þegar þátturinn var tekinn af dagskrá, fann ég strax að það var eitthvað meira sem kallaði á mig. Þetta snerist ekki bara um að halda áfram, heldur um að endurskapa allt frá grunni með nýjum hætti,“ segir Gúsi B.sem hefur stofnað til nýs hlaðvarps, Veislunnar. 

Gústi B. er þekktur sem þáttastjórnandi á FM 957 og stýrði þar um tíma útvarpsþættinum Veislunni.

Þátturinn var tekinn af dagskrá í sumar eftir að tónlistarmaðurinn Prettyboitjokko, sem var tíður gestur þáttarins, grínaðist við hlustanda um að fara með botnlaust tjald á Þjóðhátíð.

Frétt af mbl.is

Veislan ekki lengur á dagskrá FM957

Nýir tímar

Hlaðvarpaði fer í loftið í dag og segir Gústi að hann hafi fundið þörf fyrir að gera hlutina á eigin forsendumm.

„Hlaðvarpið gefur mér frelsi til að skapa efni sem nær að tala beint til fólks, án þess að þurfa að fylgja hefðbundnum reglum.“

Búast megi við opinskáum, skemmtilegum og ögrandi umræðum í Veislunni enda segist Gústi ekki ætla að forðast nein málefni.

Gústi B. ásamt félögum sínum á góðri stund. Ljósmynd/Aðsend

Úrvalsteymi

Hann verður þó ekki einn við míkrófóninn því Gugga í gúmmíbát, sem hefur notið mikilla vinsælda á samfélagsmiðlum, og Siggi Bond verða honum til halds og trausts. 

Frétt af mbl.is

„Allir ættu að vera með mikið egó og sjálfstraust“

Gugga segir þetta alveg nýjan kafla í sínu lífi. „Ég ætla klárlega að halda í liðinn minn, Guggu vikunnar, þar sem ég vel eina skvísu sem hefur vakið athygli í þeirri viku,“ segir hún og á við vinsælt innskot í þáttunum Veislunni á FM 957. 

Siggi tekur í sama streng varðandi hlaðvarpið og að svo ólíkir einstaklingar sem þau eru muni aðeins gera umræðurnar ferskari og fjölbreyttari.

„Þetta er hópur sem á eftir að koma fólki á óvart,“ segir Gústi að lokum.

• Blogga um frétt