Áheyrnarprufum fyrir nýjustu þáttaröð Britain’s Got Talent hefur verið frestað vegna óvænts andláts breska tónlistarmannsins Liam Payne.
Simon Cowell, einn af dómurum hæfileikakeppninnar, treysti sér ekki til að setjast í dómarastólinn eftir sorgartíðindi gærdagsins, en Cowell var mikill vinur Payne og á heiðurinn af stofnun strákahljómsveitarinnar One Direction.
Allir fimm meðlimir sveitarinnar mættu í áheyrnarprufur í The X Factor árið 2010 og sýndu sönghæfileika sína, þá sem sólósöngvarar, en komust ekki langt. Cowell tók þá til sinna ráða og ákvað að mynda strákahljómsveit sem varð fljótt ein sú allra vinsælasta í heiminum.
Það var breska miðasölufyrirtækið Applause Store sem deildi færslu á samfélagsmiðlasíðunni X og greindi frá því að áheyrnarprufur sem áttu að fara fram í borginni Blackpool í dag hefðu verið frestað.
Cowell hefur ekki tjáð sig opinberlega um andlát Payne.
Due to the tragic passing of Liam Payne, BGT has decided to postpone today's auditions in Blackpool. We apologise for any inconvenience this may cause.
— ApplauseStore® (@ApplauseStoreUK) October 17, 2024