Fjölskylda breska tónlistarmannsins Liam Payne er harmi slegin vegna óvænts andláts söngstjörnunnar í argentínsku borginni Buenos Aires á miðvikudag. 

Þetta er meðal þess sem kemur fram í yfirlýsingu frá fjölskyldunni sem send var á fjölmiðla í dag.

„Liam mun lifa í hjörtum okkar um ókomna tíð og við munum minnast hans sem góðlátlegrar og hugrakkrar sálar. Við biðjum um frið til að syrgja.“

Payne, sonur Geoff og Karen Payne, var yngstur þriggja systkina.

Söngvarinn, sem var 31 árs gamall, lætur eftir sig sjö ára gamlan son sem hann eignaðist með söngkonunni Cheryl Tweedy, best þekkt úr stúlknasveitinni Girls Aloud.

BBC