„Erum bæði með fiðring í maganum“
Setja bókamerki
Tveir af færustu píanóleikurum samtímans, Víkingur Heiðar Ólafsson og hin kínverska Yuja Wang, koma saman í Eldborg Hörpu á sunnudagskvöld, 20. október, kl. 20. Þar munu þau leika ýmis verk fyrir tvo píanista, bæði fjórhent og á tvo flygla.
Aukatónleikum hefur verið bætt við daginn eftir, mánudaginn 21. október, og enn má fá miða á þá tónleika.
„Við erum mjög afgerandi persónuleikar og ég held að við séum bæði með pínulítinn fiðring í maganum yfir þessu öllu,“ segir Víkingur þegar hann er spurður út í samstarfið fram undan. Hvorugt þeirra hafi áður haldið tónleika af þessu tagi, þar sem leikið er á tvo flygla.
„Það er óvenjuleg spenna í loftinu hjá okkur. Það er meiri óvissa en við erum vön. Það er ekkert grín að deila einum flygli. En mest af þessu er auðvitað á tvo flygla, flyglana tvo í Hörpu. Þetta er einstakt tækifæri til að heyra í þeim.“
Snýst ekki um hvort spilar betur
„Maður ræður svolítið hvernig maður lítur á þetta. Maður getur litið á þetta sem einhvers konar einvígi en ég hef engan áhuga á því. Þetta snýst ekki um hvort okkar spilar betur heldur um að lyfta hvort öðru upp,“ segir Víkingur.
„Það að spila á tvo flygla er list þess að ögra en líka list örlætisins. Stundum er samtal tveggja einstaklinga það áhugaverðasta í listinni.“
Viðtalið í heild má lesa á menningarsíðum Morgunblaðsins fimmtudaginn 17. október.
„Tímabil aukinnar eldvirkni“
Skattamál verði líklega „þeirra mesta klemma“
Var engin kristnitaka árið 1000?
Forstjóri bendir á ábyrgð birgja vegna verðhækkana
„Börn heima sem maður myndi vilja hafa í skjóli“
Alvarleg netárás á Wise
Beint: Ný ríkisstjórn tekin við völdum
