Spears giftist sjálfri sér
Setja bókamerki
Tengdar fréttir
Britney Spears
Fyrrverandi poppstjarnan Britney Spears giftist sjálfri sér í gær, sunnudaginn 20. október, ef marka má færslu hennar á samfélagsmiðlasíðunni Instagram.
Spears, sem hefur verið nokkuð iðin við að deila heldur einkennilegum myndskeiðum af sér á samfélagsmiðlasíðunni síðustu mánuði, greindi frá gleðitíðindunum með nýju myndskeiði.
Í því er hún klædd í hvítan satínkjól og með slör á höfði. Spears segir ekkert í myndskeiðinu en starir í myndavélina og brosir.
„Það snjallasta sem ég hef gert,” skrifaði Spears meðal annars við færsluna sem hátt í 220.000 manns hafa þegar líkað.
Er þetta fjórða hjónaband Spears, ef svo má að orði komast, en hún er þrískilin.
Spears var gift æskuvini sínum, Jason Allen Alexander, í 55 klukkustundir árið 2004, hjónabandið var ógilt. Örfáum mánuðum síðar gekk hún að eiga dansarann Kevin Federline. Það hjónaband entist í þrjú ár. Spears gekk í það heilaga í þriðja sinn í júní 2022 og þá með fyrirsætunni Sam Asghari. Hann sótti um skilnað á síðasta ári og sakaði Spears um framhjáhald.
Tengdar fréttir
Britney Spears
Átti ekki að láta pirring bitna á sjúklingi
Virknin dregist saman um 600 metra
Búseta skortir byggingarlóðir
Mæðgur dæmdar til að greiða 64 milljónir
„Má segja að þetta gos hafi þjófstartað“
Erlendir miðlar greina frá tíunda gosinu
Úlfar: Heppileg tímasetning á gosinu