Einkunn McDonalds lækkaði á meðan Trump mannaði vaktina
Setja bókamerki
Bandaríska smáforritið Yelp þurfti að slökkva á athugasemdum hjá skyndibitastaðnum McDonalds í Pennsylvania-fylki á meðan Donald Trump, forsetaframbjóðandi Repúblikanaflokksins, mannaði vaktina á sunnudag.
Trump, sem hefur lengi verið mikill aðdáandi skyndibitakeðjunnar, djúpsteikti franskar og afgreiddi viðskiptavini í gegnum bílalúguna á sunnudag til að vekja frekari athygli á forsetaframboði sínu, en Bandaríkjamenn kjósa sér nýjan forseta þann 5. nóvember næstkomandi.
Neikvæðar umsagnir flæddu inn
Þúsundir neikvæðra umsagna flæddu inn á smáforritið frá pólitískum andstæðingum Trump og lækkaði stjörnugjöf skyndibitastaðarins sívinsæla í kjölfarið, en fjölmargir gáfu McDonalds-staðnum eina stjörnu.
„Frönsku kartöflurnar voru of saltar. Þær brögðuðust eins og einhver hefði tapað mikilvægri kosningabaráttu, staðið yfir þeim og grátið í klukkustund, skrifaði einn gagnrýnandi Trump.
Uppátækið vakti þó einnig lukku meðal fylgjenda forsetaframbjóðandans og voru þó nokkrir sem komu honum til varnar á smáforritinu og gáfu honum hrós sem og fimm stjörnu einkunn.
„Besti McDonalds sem ég hef heimsótt síðustu 47 árin. Eldri maðurinn í bílalúgunni var einstaklega almennilegur,“ ritaði einn fylgjandi Trump sem nældi sér í hamborgaramáltíð á sunnudag.
„Staðan er óásættanleg og það er ekki kennurum að kenna“
Forseti Alþingis kveður þingið
Á fjórða tug barna með E.coli
Selenskí kemur til Íslands
Hvalur hf. sækir um leyfi til hvalveiða
Úthugsað eða alvarlegt reynsluleysi
Jón Pétur í þriðja sæti hjá Sjálfstæðisflokki
Ný könnun: Sjálfstæðisflokkur dalar og VG botnfrosið