Barnastjarna syrgir nýfædda dóttur sína
Setja bókamerki
Bandaríska leikkonan Madison De La Garza, best þekkt fyrir hlutverk sitt í þáttaröðinni Desperate Housewives, syrgir dóttur sína sem lést skömmu eftir að hafa verið tekin með bráðakeisaraskurði í lok septembermánaðar.
De La Garza, sem er yngri systir leik- og söngkonunnar Demi Lovato, greindi frá andláti stúlkunnar, sem hlaut nafnið Xiomara, á Instagram-síðu sinni á sunnudag.
„Að kvöldi 27. september, eftir að hafa gengist undir bráðakeisaraskurð, fengum við Ryan dóttur okkar í fangið í fyrsta sem og síðasta sinn.
Takk elsku Xiomara fyrir að gera okkur að foreldrum hins fullkomnasta engils á himnum. Mamma og pabbi elska þig,“ skrifaði De La Garza við færsluna sem ríflega 90.000 manns hafa hjartað.
„Engill í öllum skilningi þess orðs“
Lovato var á meðal þeirra sem rituðu athugasemd við færslu De La Garza.
„Ég elska þig svo mikið Xiomara. Engill í öllum skilningi þess orðs. Ég verð frænka þín að eilífu.“
Ávinningur í því að fá hingað alþjóðleg mót
Stuðningur við foreldra nauðsynlegur
Bjarni til liðs við Græningja
Bílalest Selenskís á leið á Þingvelli
Selenskí kemur til Íslands
„Þá liggur beinast við að strika hann út“
Úthugsað eða alvarlegt reynsluleysi