Brast í grát á miðjum tónleikum
Setja bókamerki
Breska söngkonan Adele brast í grát á tónleikum sínum í Las Vegas á laugardagskvöldið þegar hún kom auga á eitt af átrúnaðargoðum sínum í áhorfendasalnum.
Kanadíska stórstjarnan Celine Dion var meðal þeirra fjölmörgu sem sóttu tónleika Adele á Caesars Palace-hótelinu á laugardagskvöldið.
Adele var í miðjum flutningi á laginu When We Were Young þegar hún rak augun í Dion og átti í mestu vandræðum með að halda flutningi sínum áfram. Hún gekk rakleitt að Dion og tók utan um hana.
Myndskeið af augnablikinu hefur farið eins og eldur í sinu um samfélagsmiðla.
Viðvera Dion á tónleikunum gladdi ekki aðeins Adele heldur aðdáendur hennar um allan heim þar sem söngkonan hefur að mestu dregið sig í hlé frá öllu tónleikahaldi eftir að hún greindist með sjaldgæfa taugaröskun (e. Stiff Person Syndrome) í ágúst 2022.
Dion kom þó mörgum á óvart þegar hún samþykkti að syngja á opnunarhátíð Ólympíuleikanna í París nú í sumar. Söngkonan heillaði heiminn með flutningi sínum á laginu L'Hymne à l'amour.
Tónleikaröð Adele í Las Vegas fer brátt að líða undir lok en lokatónleikar hennar verða haldnir þann 23. nóvember næstkomandi.
Vélar LHG og Isavia ekki seldar
Gild framboð verða tilkynnt 3. nóvember
Játaði að hafa þegið greiðslur frá syninum
/frimg/1/52/53/1525329.jpg)
Hlutdeildarlán til kaupa á 61 íbúð en 145 sóttu um
„Framtíð Evrópu veltur á útkomu þessa stríðs“
Ráðherra stendur frammi fyrir tveimur áskorunum
Sigraði í kosningum en fær ekki að stýra