Adidas og Kanye West ná sáttum
Setja bókamerki
/frimg/1/49/24/1492449.jpg)
Þýska íþróttavörufyrirtækið Adidas og bandaríski rapparinn Kanye West hafa komist að samkomulagi um að binda enda á öll málaferli á milli þeirra án nokkurra fjárskipta.
Adidas og West, sem gengur nú undir nafninu Ye, hafa staðið í deilum frá árinu 2022 eftir að Adidas rauf átta ára samning hans við fyrirtækið en Ye tapaði milljörðum í kjölfarið.
Það gerðist í kjölfar þess að Ye lét andgyðingaleg ummæli falla í fjölmiðlum og á samfélagsmiðlum. Hann lýsti meðal annars yfir hrifningu sinni á nasistum og aðdáun á Adolf Hitler.
Selja eftirstandandi hlutabréf
Ye hannaði meðal annars föt og skó fyrir Yeezy-línu Adidas en fyrirtækið sat uppi með stóran lager af fatnaði og skóm eftir að það rifti samningnum. Síðastliðið ár hefur Adidas selt stóran hluta af Yeezy-vörunum og gefið ágóðann til frjálsra félagasamtaka.
Eftirstandandi hlutabréf Yeezys verða seld í árslok að sögn félagsins.
„Ástandið er ömurlegt í kringum okkur“
Listar sósíalista tilbúnir í öllum kjördæmum
ASÍ gerir ekki athugasemdir
Höfuðpaurinn tekur á sig ólöglegan innflutning
Atvinnu-AirBnb „ígildi þess að reka gistiheimili“
Ekkert skilið eftir nema útveggirnir
Fimm börn á gjörgæslu
Ekkert spurst til nágrannans úr bílakjallaranum
