Bandaríska leikkonan Teri Garr er látin 79 ára að aldri. 

Kynningarfulltrúi leikkonunnar staðfesti andlátið í samtali við fjölmiðla í gærdag. 

Garr var sennilega þekktust fyrir hlutverk sitt í kvikmyndinni Tootsie frá árinu 1982. Hún hlaut tilnefningu til Óskarsverðlauna fyrir túlkun sína á Sandy Lester. 

Margir muna einnig eftir henni í hlutverki Ingu í Young Frankenstein og Phoebe Abbott í gamanþáttaröðinni Friends. 

Garr greindist með taugasjúkdóminn MS, Multiple sclerosis, árið 2002 og hafði haldið sig utan sviðsljóssins í þó nokkurn tíma. Hún lék sitt síðasta hlutverk árið 2011 í þáttaröðinni How to Marry a Billionaire. 

Tengdar fréttir

Poppkúltúr

Scary Movie snýr aftur á hvíta tjaldið

• LeBlanc undir vökulu auga mótleikara
• Íslandsvinkona afar ósátt við heimildamynd
• Háskólanemi gagnrýndur fyrir „blackface“-gervi
• Ætlar að leiðrétta alvarlegar ásakanir

» Fleiri tengdar fréttir

• Blogga um frétt