Drottning hrekkjavökunnar brást ekki aðdáendum sínum
Setja bókamerki
Þýska ofurfyrirsætan Heidi Klum brást ekki aðdáendum sínum er hún mætti ásamt eiginmanni sínum, gítarleikaranum Tom Kaulitz, í árlegt hrekkjavökupartí þeirra hjóna í New York-borg í gærkvöldi.
Klum, sannkölluð drottning hrekkjavökunnar, er þekkt fyrir að fara alla leið í búningavali og tekst að toppa sjálfa sig á hverju ári, enda fær hún fólk til að gapa í hvert sinn sem hún frumsýnir hrekkjavökubúning sinn.
Í ár mætti hún til leiks í gervi geimverunnar E.T. úr samnefndri kvikmynd leikstjórans Steven Spielberg frá árinu 1982. Kaulitz var einnig klæddur upp sem krúttlega geimveran með stóru bláu augun.
Hjónin mættu hönd í hönd í partíið sem haldið var á Hard Rock-hótelinu í New York-borg.
Meðal gesta voru rapparinn Ice-T, samfélagsmiðlastjarnan Charli D'Amelio og trommuleikarinn Questlove.
Sex ár fyrir hnífstungu við Hofsvallagötu
„Umbjóðanda mínum er mjög létt“
Sýknaður eftir að hafa hlotið átta ára dóm
Tala látinna hækkar enn vegna flóðanna
Fátæk börn almennt verr stödd á öllum sviðum
Evrópa á tímamótum
„Algjört hörmungarástand“
„Miklu meira en bara yfirmaður”