Um síðustu áramót var greint frá því að IceGuys myndu snúa aftur á skjáinn og nú er loksins komið að því, en IceGuys 2 koma í Sjónvarp Símans Premium í lok nóvember og geta aðdáendur stákahljómsveitarinnar því byrjað að telja niður dagana.

Fyrsta þáttaröðin endaði með dramatískum hætti þar sem Aron Can stakk af með alla peninga sveitarinnar og hinir meðlimir sveitarinnar sátu eftir með sárt ennið og vissu ekkert hvað varð um vin þeirra, Aron Can.

„Við hjá Símanum erum full tilhlökkunar að frumsýna glænýja þáttaröð af IceGuys. Strákarnir eru nýbúnir að selja upp fimm Laugardalshallir fyrir jólatónleikana sína og því tilvalið fyrir IceGang aðdáendahópinn að byrja snemma með sannarlega stórkostlegri þáttaröð.

Gleði og hlátur hafa einkennt IceGuys frá byrjun og er þessi þáttaröð engin undantekning. Við getum ekki beðið eftir því að miðla gleðinni beint heim í stofu,“ segir María Björk Einarsdóttir, forstjóri Símans.

Frétt af mbl.is

IceGuys snúa aftur!

„Stór og ísköld áskorun að kafa dýpra“

Þættirnir eru sem fyrr í leikstjórn Allans Sigurðssonar, Hannesar Þórs Arasonar og Hannesar Þórs Halldórssonar, en fyrirtækið Atlavík sem er í eigu leikstjóranna fer með framleiðsluna á þáttunum. Handritshöfundur þáttana er svo enginn annar en Sóli Hólm.

„Það var stór og ísköld áskorun að kafa dýpra í næsta fasa Iceguys sögunnar eftir rússíbana síðasta árs en það hafðist og hér erum við, Iceguys 2. Margir mánuðir fóru í þróunarferli, gríðarlegt púður var lagt í tökurnar og það er erfitt að lýsa metnaðinum og drifkraftinum sem liggur á bak við gerð þessara þátta.

IceGuys heimurinn er óútreiknanlegur og þar getur allt gerst. Í seríu 2 skiptum við um gír og keyrum allt í botn og við vonum að áhorfendur upplifi og skynji ástríðuna sem við lögðum öll í þetta verkefni,“ segir Hannes Þór Halldórsson. 

Tengdar fréttir

IceGuys

Maðurinn sem setti samfélagsmiðla á hliðina kominn í framboð

• „Sóli fær ennþá útrás í að gera lítið úr okkur“
• Rúrik opnar sig í viðtali við Sports Illustrated
• Þrítugsafmælisgjöfin var grand-ferð til Abu Dhabi
• Hóta að „fokka“ Jóni Jónssyni upp

» Fleiri tengdar fréttir

• Blogga um frétt