Ungur maður að nafni Metúsalem Björnsson, einnig þekktur sem Meddinn á TikTok, hefur hlotið mikið lof netverja fyrir hrekkjavökubúning sinn í ár, en hann kaus að heiðra forseta Íslands, Frú Höllu Tómasdóttur.

Metúsalem birti tvö stórskemmtileg myndskeið af sér í gervi forsetans á samfélagsmiðlasíðunni TikTok nýverið sem bæði fengu mikið áhorf, enda negldi hann útlit forseta vors, frá toppi til táar.

Hann klæddist ljósum buxum og sams konar toppi og var með bláan borða, nælu, perlufesti og að sjálfsögðu hálsklút, einkennismerki Höllu Tómasdóttur, sem setti punktinn yfir i-ið.

Í fyrra myndskeiðinu sést Metúsalem, í gervi Höllu, skála í hvítvín og setja upp friðarmerki, en í því seinna er hann mættur á skemmtistað og sést dansa og veifa til almennings.

Tengdar fréttir

Poppkúltúr

Óvæntar vísbendingar kynda undir sambandsorðróma

• Laufey kom Lundúnabúum á óvart
• Ekkert gengur hjá Lopez
• Ber að ofan á afmælisdaginn
• Vinsælustu menn landsins skelltu í hópmynd

» Fleiri tengdar fréttir

TikTok

Dóttir Bjarna brá á leik: „Þið eruð ekki fávitar“

• Bann yfirvofandi: Hæstiréttur skerst í leikinn
• Réttarholtsskóli vekur heimsathygli
• Aron Can ófeiminn og fór úr að ofan
• Sunneva og Benedikt krúttuðu yfir sig

» Fleiri tengdar fréttir

• Blogga um frétt