„Ég ligg í rúminu og öskra af sársauka“
Setja bókamerki
/frimg/1/53/76/1537647.jpg)
„Ég ligg í rúminu og öskra af sársauka,“ segir bandaríska leikkonan Christina Applegate í nýjasta hlaðvarpsþætti MeSsy.
Applegate glímir við MS-sjúkdóminn (e. multiple sclerosis) og hefur rætt opinskátt um baráttu sína við sjálfsofnæmissjúkdóminn í hlaðvarpsþættinum sem hún heldur úti ásamt góðvinkonu sinni, leikkonunni Jamie-Lynn Sigler, sem sjálf hefur glímt við MS-sjúkdóminn í ríflega 20 ár.
Í þættinum, sem ber heitið The Beauty of the Invisible Disease with Rory Kandel, segist hún glíma við krónísk verkjavandamál vegna sjúkdómsins á hverjum degi og að einkenni hans hefðu hamlandi áhrif á daglegt líf hennar.
„Ég get ekki opnað flöskur né lyft sjónvarpsfjarstýringunni,“ sagði Applegate meðal annars í samtali sínu við Sigler og gest þáttarins, bakarann Rory Kandel, sem greindist nýverið með MS, en hátt í 7000 manns greinast árlega um allan heim.
Applegate, best þekkt fyrir leik sinn í sjónvarpsþáttaröðinni Married with Children og gamanmyndinni Anchorman: The Legend of Ron Burgundy, hefur glímt við sjúkdóminn frá árinu 2021.
Neitaði sök um morð og hryðjuverk
Máttu ekki auglýsa „mesta úrvalið“ og „besta verðið“
Fundaði með starfsfólki í fjóra tíma í gær
Íslendingar vanir að klæða sig vel
Óveður heldur Holtavörðuheiði lokaðri
Innanlandsflug liggur niðri
Nokkur útköll hjá Landsbjörg
Þungt ástand í margar vikur vegna RS-veiru