Enn koma upp veikindi í Buckingham-höll
Setja bókamerki
Camilla Bretadrottning og eiginkona Karls Bretakonungs hefur dregið sig úr öllum opinberum viðburðum á næstunni eftir að hún veiktist af sýkingu í brjósti. Þetta kom fram í tilkynningu frá Buckinghamhöll.
Camilla átti að koma fram á hinni árlegu minningarathöfn í Westminister Abbey sem fram fer 7. nóvember. Staðgengill hennar á athöfninni mun vera Birgitte hertogaynja af Gloucester.
Mikið hefur verið um veikindi í Buckinghamhöll. Karl Bretakonungur greindist með krabbamein í febrúar á þessu ári og hefur verið í lyfjameðferð vegna sjúkdómsins.
Vilhjálmur Bretaprins og Katrín prinsessa af Wales hafa nýlega snúið aftur til starfa eftir að Katrín lauk lyfjameðferð vegna krabbameins, en hún greindi frá því fyrr á árinu.
Katrín gaf út yfirlýsingu í lok sumars þar sem hún sagði: „Nú þegar sumarið er að líða undir lok get ég ekki lýst því hversu mikill léttir það er að hafa loksins lokið lyfjameðferðinni.“
Þá var Anna prinsessa, yngri systir Karls konungs, lögð inn í fimm daga á Southmead-sjúkrahúsið í sumar vegna heilahristings. Óhapp á landareign hennar í Gatcombe Park varð til þess að hún meiddist á höfði.
„Mér finnst gamla Samfylkingin komin aftur“
Fyrsti blaðamannafundurinn í heild sinni
Bjarni: „Útilokað að þetta geti gengið upp“
„Þetta er ríkisstjórn almannahagsmuna“
Stormur á Þorláksmessu en víðast hvar stefnir í hvít jól
Skattamál verði líklega „þeirra mesta klemma“
Alvarleg netárás á Wise
„Börn heima sem maður myndi vilja hafa í skjóli“
