Seljaskóli og Ölduselsskóli áfram í úrslit Skrekks

Seljaskóli og Ölduselsskóli komust áfram á úrslitakvöld Skrekks en þriðja og síðasta undanúrslitakvöld keppninnar fór fram í Borgarleikhúsinu í kvöld. 

Átta grunnskólar tóku þátt í kvöld en það voru Háteigsskóli, Klettaskóli, Langholtsskóli, Réttarholtsskóli, Rimaskóli, Seljaskóli, Sæmundarskóli og Ölduselsskóli. 

Alls tóku 254 ungmenni þátt í atriðum kvöldsins. 

Seljaskóli komst áfram með atriðið Birgðir á baki hverju sem fjallar um álag á ungt fólk í samfélaginu. Ölduselsskóli komst áfram með atriðið Skólastofan sem fjallar um mistök og vandræðaleg atvik í skólanum. 

Breiðholtsskóli, Hagaskóli, Laugalækjaskóli og Árbæjarskóli komust í úrslit á tveimur fyrri undanúrslitakvöldunum. Tveir skólar til viðbótar munu taka þátt í úrslitunum á mánudag en þeir verða tilkynntir á morgun sem svokölluð „wild-card“. 

Frétt af mbl.is

Árbæjarskóli og Laugalækjarskóli í úrslit Skrekks

Frétt af mbl.is

Breiðholtsskóli og Hagaskóli fara áfram

• Blogga um frétt