Íslensk athafnakona fagnaði með Trump í Flórída

Heiðdís Rós Reyn­is­dótt­ir, at­hafna­kona og förðun­ar­fræðing­ur, var meðal gesta á kosn­inga­vöku Don­ald Trump, ný­kjör­ins for­seta Banda­ríkj­anna, í West Palm Beach í Flórída og deildi meðal ann­ars mynd­skeiði frá fögnuðinum á In­sta­gram Story.

Í mynd­skeiðinu sést Trump taka í hönd­ina á skæl­bros­andi stuðnings­fólki sínu rétt áður en hann lýsti yfir sigri á þriðju­dag þegar hann ávarpaði lýðinn og þakkaði fyr­ir stuðning­inn. Ef marka má mynd­skeiðið var Heiðdís Rós í miklu ná­vígi við for­set­ann er hún fagnaði út­komu kosn­ing­anna ásamt hundruðum annarra.

Heiðdís Rós birti einnig mynd­skeið af sér, íklædd rauðum kjól, lit Re­públi­kana­flokks­ins, þar sem hún dá­samaði Trump og sagðist vera stolt af út­kom­unni og full til­hlökk­un­ar fyr­ir kom­andi tím­um. Hún viður­kenndi einnig að for­eldr­ar henn­ar væru lítt hrifn­ir af póli­tísk­um skoðunum henn­ar og að þeirra álit skipti engu máli, hún stæði með Trump og skoðunum hans.

Heiðdís Rós ferðaðist til Banda­ríkj­anna með ESTA-ferðaheim­ild fyr­ir rúm­um ára­tug síðan og hef­ur ekki komið til Íslands síðan þá. 

Ekki náðist í Heiðdísi Rós við vinnslu frétt­ar­inn­ar.

Heiðdís Rós birti mynd­skeið af for­set­an­um. Skjá­skot/​In­sta­gram

• Blogga um frétt