Þrír handteknir vegna dauða Liam Payne

Þrír einstaklingar í Argentínu hafa verið handteknir í tengslum við dauða Liam Payne. 

Payne féll fram af svölum á hóteli í höfuðborginni Buenos Aires þann 16. október en einstaklingarnir eru ákærðir fyrir að hafa útvegað Payne fíkniefni og yfirgefið hann í annarlegu ástandi að sögn Andrés Madrea, saksóknara í Argentínu.

Samkvæmt fréttastofu NBC er hót­el­starfsmaður, ónefnd­ur „vin­ur“ Payne og einn aðili til viðbótar grunaðir um að eiga þátt í and­láti hans, en þeir eru meðal ann­ars sagðir hafa út­vegað hon­um örv­andi eit­ur­lyf.

Frétt af mbl.is

Þrír grunaðir um aðild að andláti Payne

Bleikt „kókaín“

Eiturefnaskýrsla sýndi fram á að Payne hafði neytt áfengis, kókaíns og lyfseðilsskylds þunglyndislyfs innan við 72 klukkustundum fyrir andlátið.

Talið er að Payne hafi notað bleikt „kókaín“ kvöldið sem hann lést, en lyfið inniheldur sjaldnast kókaín og er raunar yfirleitt blanda af MDMA, ketamíni og metamfetamíni og rauðum matarlit. 

Krufn­ing leiddi í ljós inn­vort­is og út­vort­is blæðing­ar og fjölda annarra áverka. Fjöl­skylda Payne flaug með lík hans aft­ur til Bret­lands á miðviku­dag, þrem­ur vik­um eft­ir and­lát hans.

Frétt af mbl.is

Lík Payne flutt heim til Bretlands

• Blogga um frétt