Fékk fyrirframgreiddan arf en er peningurinn búinn?
Setja bókamerki
Andrés prins hafði fengið fyrirframgreiddan arf áður en móðir hans, Elísabet II, lést árið 2022. Þetta kemur fram í nýrri bók eftir Robert Hardman sem heitir Charles III: New King, New Court, The Inside Story.
Í bókinni er farið ítarlega yfir fjármál hertogans og hvar hann stendur fjárhagslega eftir að hafa misst stöðu sína innan konungsfjölskyldunnar.
Karl III kóngur vill til dæmis að hann flytji í minna húsnæði til þess að spara í öryggisgæslu. Við flutninginn myndi hann minnka við sig og fara úr 30 herbergja setri í fimm herbergja hús.
Í bókinni segir Hardman að kóngurinn ætli að hætta að borga með Andrési ef hann neitar að flytja. Andrés segist hins vegar hafa efni á að búa í Royal Lodge og lifi á peningum sem móðir hans arfleiddi honum og svo á peningum sem hann sjálfur hefur aflað sér.
"Ef það er rétt þá það. Ef ekki þá hefur kóngurinn ekki ótakmarkaða þolinmæði,“ segir í bókinni.
„Mögulega getur hertoginn borgað reikningana í eitt eða tvö ár en hann getur ekki viðhaldið greiðslugetu til langs tíma.“
Stutt er síðan tilkynnt var um að Andrés væri ekki lengur á framfæri konungs. „Hertoginn er ekki lengur fjárhagsleg byrði á konunginum,“ sagði heimildarmaður Hardmans.
„Hann segist hafa fundið aðrar leiðir til þess að fjármagna lífsstíl sinn í gegnum alþjóðlegt viðskiptatengslanet sitt. Nóg til þess að dekka allan kostnað. Ef rétt reynist þá er það af hinu góða. Það er hins vegar óvíst hvort þetta dugi til frambúðar.“
„Áhugavert að sjá skjálfta þarna“
Kjör kennara hafi vaxið langt umfram almennan markað
Oddvitaviðtöl í Reykjavík suður
Þungt hugsi yfir ofbeldinu
Kílómetragjald: „Mikilvægt að málið verði klárað fyrir þinglok“
Kvikusöfnun 80% af því sem var fyrir síðasta gos
Ný könnun: Sjálfstæðisflokkur dalar enn