Tróð í sig köku eftir sigur Trump
Setja bókamerki
Tengdar fréttir
Poppkúltúr
/frimg/1/53/6/1530653.jpg)
Bandaríska tónlistarstjarnan Madonna er lítt hrifin af útkomu forsetakosninganna í Bandaríkjunum og fór ekki leynt með skoðun sína á Donald Trump á samfélagsmiðlum þegar niðurstöðurnar voru ljósar.
Madonna, sem lýsti yfir stuðningi við Kamölu Harris, gæddi sér á sérstakri köku í tilefni sigurs Trump og deildi mynd af henni með fylgjendum sínum á Instagram Story.
Kakan var skreytt með orðunum „F**k Trump“, sem mætti gróflega þýða sem „Til fjandans með Trump“, og því deginum ljósara að hún er enginn aðdáandi verðandi Bandaríkjaforseta.
Madonna var ekki sú eina sem gagnrýndi útkomu forsetakosninganna, en fjöldi frægra í Bandaríkjunum lýsti vonbrigðum sínum yfir því að Trump hefði borið sigur úr býtum.
Óskarsverðlaunahafinn Jamie Lee Curtis birti langa Instagram-færslu um kjör Trump og sagði það afturhvarf til þröngsýnna tíma og jafnvel grimmra tíma þar sem minnihlutahópar gætu ekki frjálst um höfuð strokið.
„En það sem þetta þýðir raunverulega er að við þurfum að vakna og berjast. Berjast fyrir rétti kvenna og barna og framtíð þeirra og berjast gegn einræði, einn dag í einu. Eina baráttu í einu. Ein mótmæli í einu. Það er það sem það þýðir að vera Bandaríkjamaður.“
Tengdar fréttir
Poppkúltúr
Þetta eru ráðherrar ríkisstjórnarinnar
Hrikalegt að heyra fréttirnar
Ók á hóp fólks á jólamarkaði: Einn látinn
Stormur á Þorláksmessu en víðast hvar stefnir í hvít jól
„Þetta er ríkisstjórn almannahagsmuna“
Lát hjóna í Neskaupstað: Ákæra gefin út
Var engin kristnitaka árið 1000?
