Þrenn íslensk verðlaun í Lubeck
Setja bókamerki
Rúnar Rúnarsson leikstjóri og Heather Millard framleiðandi fengu tvenn verðlaun á kvikmyndahátíðinni í Lübeck í Þýskalandi.
Í tilkynningu kemur fram að lokathöfn hátíðarinnar hafi verið haldin með pomp og prakt í gærkvöldi.
Í ár voru fimm íslensk kvikmynda- og sjónvarpsverk sýnd á hátíðinni.
Í tilkynningunni segir að hátíðin sé ein sú stærsta og mikilvægasta sem helguð er kvikmyndagerð á Norðurlöndum.
Kvikmynd Rúnars, Ljósbrot, hlaut Interfilm-verðlaunin og stuttmynd hans, O (hringur), var valin besta stuttmyndin.
Bæði kvikmyndaverkin hafa verið á ferðalagi milli stærstu og virtustu kvikmyndahátíða heims og sópað að sér verðlaunum síðan þau voru heimsfrumsýnd í Cannes og á kvikmyndahátíðinni í Feneyjum.
Katla Njálsdóttir leikkona í Ljósbroti tók á móti hvorum tveggja verðlaununum.
Heimildamynd Pamelu Hogan, Dagurinn sem Ísland stöðvaðist, hlaut verðlaun sem besta heimildarmyndin.
Myndina gerði hún í samstarfi við Hrafnhildi Gunnarsdóttur en hún var heimsfrumsýnd á heimildamyndahátíðinni Norður-Ameríku, Hot Docs, fyrr á árinu. Myndin fjallar um kvennafrídaginn á Íslandi 24. október 1975 og hefur notið mikillar velgengni.
Hrafnhildur veitti verðlaunum þeirra viðtöku.
„Allt í rusli“ við brúargerð á Vestfjörðum
„Skjálftaklessa á milli Grímseyjar og Öxarfjarðar“
Ránið var framið í strætóskýli
Önnur aurskriða við Eyrarhlíð
Taldi betra fyrir drengina að deyja
Glíma enn við eftirköst E.coli-smits í Efstadal
Jón „mun ekki koma nálægt meðferð hvalamálsins“
Deilan enn í hnút eftir tveggja vikna verkföll