Bandaríska leikkonan Halle Berry opnaði tískusýningu sem haldin var í tilefni af 45 ára starfsafmæli líbanska hönnuðarins Elie Saab í borginni Riyadh í Sádi-Arabíu á miðvikudag.

Leikkonan stal senunni í kjól úr smiðju Saab sem hún klæddist fyrst þegar hún hreppti Óskarsverðlaunin fyrir leik sinn í kvikmyndinni Monster’s Ball árið 2002.

Berry, sem varð fyrst svartra leikkvenna til að vera valin besta leikkonan í aðalhlutverki, deildi myndskeiði af sér í kjólnum, sem klæddi hana mjög vel árið 2002 og jafnvel enn betur öllum þessum árum seinna, á Instagram-síðu sinni. Myndskeiðið vakti mikil og jákvæð viðbrögð.

„Það eru nokkur augnablik í lífinu sem eru minnisstæðari en önnur, augnablik sem breyta öllu á augabragði. Að hreppa Óskarsverðlaunin íklædd þessum glæsilega Elie Saab-kjól var slíkt augnablik fyrir mig. Takk, herra Saab fyrir að vera stór hluti af vegferð minni. Það var mikill heiður að fá að fagna þér,” skrifaði Berry meðal annars við færsluna sem hátt í 370.000 manns hafa líkað. 

Kjóllinn, sem þykir einstakur, er í dag hluti af sögusafni bandarísku kvikmyndaakademíunnar í Los Angeles.

Tengdar fréttir

Poppkúltúr

Laufey kom Lundúnabúum á óvart

• Ekkert gengur hjá Lopez
• Ber að ofan á afmælisdaginn
• Vinsælustu menn landsins skelltu í hópmynd
• Jessica Simpson óþekkjanleg á nýrri mynd

» Fleiri tengdar fréttir

Rauði dregillinn

Fetar í fótspor foreldra sinna

• Kjóll leikkonunnar huldi ekki mikið
• Frumsýndi kærustuna á rauða dreglinum
• Þær hafa ekki elst um dag
• Laufey skein skært á frumsýningu

» Fleiri tengdar fréttir

• Blogga um frétt