Diddy óskar eftir að losna í þriðja sinn

Bandaríski tónlistarmaðurinn Sean „Diddy“ Combs mætti fyrir rétt í dag og óskaði eftir að losna úr fangelsi gegn tryggingagjaldi.

Dómarinn í málinu ákvað að fresta ákvörðuninni þar til í næstu viku. 

Diddy var handtekinn í september og í kjölfarið ákærður fyrir fjárkúgun og kynlífsþrælkun. Er hann einnig sakaður um að hafa rekið „glæpaveldi“ sem á að hafa staðið fyrir mannránum, íkveikjum, nauðungarvinnu og mútum. 

Frétt af mbl.is

Flaug með vændiskonur í svallveislur

Kærður fyrir kynferðisbrot gegn 100 manns

Honum hefur þegar tvisvar sinnum verið neitað um að losna úr fangelsi gegn tryggingu. Saksóknarar í málinu segja að hann hafi reynt að hafa samband við vitni í málinu á meðan hann situr inni í fangelsi. 

Réttarhöld yfir rapparanum hefjast þann 5. maí á næsta ári.

Frétt af mbl.is

Réttað yfir Diddy í maí

Ólíklegt er að honum verði sleppt lausum gegn tryggingu og mun hann líklegast vera á bak við lás og slá þar til réttarhöldin fara fram.

Diddy hefur einnig verið kærður í öðru máli sem snýr að kynferðisbrotum gegn 100 manns. 25 þeirra voru undir lögaldri þegar meint brot áttu sér stað.

Frétt af mbl.is

Sagður hafa nauðgað 13 ára stúlku

• Blogga um frétt