Búið er að birta brot úr nýjustu Netflix-þáttum Harry og Meghan sem fjalla um póló íþróttina. Skiptar skoðanir eru meðal aðdáenda og margir segjast ekki ætla að horfa á þættina. Þá hafa dýraverndunarsamtök gagnrýnt þættina þar sem íþróttin fer illa með hestana.

Í kynningarefni Netflix segir að um sé að ræða þætti sem gefa áhorfendum innsýn í hraðan og glæsilegan heim póló íþróttarinnar. 

Samfélagsmiðillinn X (áður Twitter) logar um þessar mundir og fólk keppist við að viðra skoðanir sínar á þessu nýjasta framtaki hjónanna.

„Alls ekki! Allt sem þau snerta fer í ruslið,“ sagði einn á X.

„Ég þraukaði í 40 sekúndur og fór strax að leiðast,“ sagði einn eftir að hafa horft á kynningarmyndbandið um þættina.

Aðrir voru þó vongóðir:

„Póló virðist vera íþrótt elítunnar. Kannski mun þetta koma fólki á óvart með smá blöndu af glamúr og dramatík. Sjáum hvað setur.“

Illa gengur fyrir Harry og Meghan að fóta sig í Bandaríkjunum. Enn er beðið eftir að þau tilkynni um sýningu lífsstílsþátta Meghan sem eiga að vera tilbúnir fyrir margt löngu. Ekki er vitað hvað veldur töfunum.

Tengdar fréttir

Kóngafólk

Jólakort Katrínar og Vilhjálms

• Andrés prins fjarri góðu jólagamni
• Ferðast til Madrídar eftir hneyksli
• Charlene prinsessa töffaraleg í leðurjakka
• Starfsmaður Buckingham-hallar handtekinn

» Fleiri tengdar fréttir

• Blogga um frétt