Eiginkona Wayne Rooney kallar Trump hálfvita
Setja bókamerki
Fótboltaeiginkonan og fjögurra barna móðirin, Coleen Rooney, deilir fjölskyldumynd með Trump-hjónunum og syni þeirra í nýjustu Instagram-færslu sinni.
Rooney, sem nú er þátttakandi í raunveruleikaþáttunum I'm a Celeb þar sem hún ásamt öðrum stjörnum er sett í afar erfiðar aðstæður við fremur slæman aðbúnað, sagði tjaldfélögunum í þættinum síðastliðinn sunnudag að hún hafi hitt Trump í Hvíta húsinu fyrir jólin 2018.
Því til sönnunar setti fjölskylda hennar téða mynd inn á Instagram með orðunum: „Sönn saga ... Og já, hann var í raun svona appelsínugulur,“ og vísar hún í húðlit forsetans fyrrverandi og verðandi.
Á þeim tíma sem Rooney-hjónin hittu Trump var Wayne Rooney yfirþjálfari hjá fótboltaliðinu DC United.
Í sunnudagsþætti I'm a Celeb sagði Coleen að Trump væri „dirty bastard“ eða hálfviti vegna þess að hann á að hafa sagt við son sinn þegar myndin var tekin að Coleen væri sönnun þess að fótboltamenn næðu sér alltaf í heitustu píurnar.
Þá sagði Coleen einnig að Trump hefði verið áhugasamur um að Wayne tæki son hans, Barron, undir verndarvæng sinn. Barron var mikill fótboltaáhugamaður og vildi Trump að Wayne kenndi honum fótbolta, sem féll víst í grýttan jarðveg hjá Rooney-hjónunum.
Var að slitna frá bryggju sökum hvassviðris
Skoða ráðstafanir vegna mikillar kuldaspár
Spá 13-18 stiga frosti í borginni
Éljagangur en síðan slydda eða rigning
Taka upp grímuskyldu á Landspítalanum
Búið að opna Hellisheiði
Ofmeta sparnað í stjórnarráðinu
Í vinnunni á aðfangadagskvöldi í 25 ár