IceGuys slær áhorfsmet

Sjónvarp Símans Premium hefur hafið sýningar á annarri þáttaröð sjónvarpsþáttanna IceGuys. Þættirnir fjalla um strákahljómsveitina IceGuys sem skipuð er af Rúrík Gíslasyni, Aroni Can, Herra hnetusmjöri, Friðriki Dór og Jóni Jónssyni svo einhverjir séu nefndir. 

„Það kom okkur ekki mikið á óvart að metið hafi fallið um helgina enda strákarnir að ná til allra aldurshópa og fjölskyldur geta sameinast fyrir saman sjónvarpið. Strákarnir tóku sig til og bættu áhorfsmetið um heil 35%,“ segir Ingólfur Norðdahl sem starfar hjá Símanum. 

„Það er auðvitað mikil viðurkenning að heyra af þessum frábæru viðtökum en mestu máli skiptir að áhorfendur skemmti sér og hafi gaman af IceGuys. Við lögðum okkur öll fram við að segja bæði einlæga og skemmtilega sögu og bíðum spennt eftir áframhaldandi viðbrögðum en næsti þáttur kemur á sunnudaginn,“ segir Hannes Þór Halldórsson hjá Atlavík sem leikstýrir þáttunum.

• Blogga um frétt