Þekktur sviðsleikari hneig niður í miðri sýningu og lést

Kanadíski sviðsleikarinn Julien Arnold lést skyndilega í miðri sýningu á jólaleikritinu A Christmas Carol í Citadel-leikhúsinu í Edmonton í Kanada á sunnudagskvöldið.

Arnold, sem var sextugur að aldri, hneig niður á sviðinu og komst ekki til meðvitundar þrátt fyrir endurlífungartilraunir sjúkraflutningamanna. Hann var úrskurðaður látinn á vettvangi.

Arnold átti afar farsælan feril sem sviðsleikari og lék í sýningum á borð við The Taming of the Shrew, The Wizard of Oz, Twelfth Night og Sense and Sensibility. Leikarinn fór með hlutverk Mr. Fezziwig í A Christmas Carol sem byggt er á bók Charles Dickens.

• Blogga um frétt