Áfrýjar þungum nauðgunardómi
Setja bókamerki
Danny Masterson hefur áfrýjað nauðgunardómi sínum eftir að hafa verið dæmdur í 30 ára og allt að lífstíðarfangelsi í september 2023, fyrir tvær nauðganir sem áttu sér stað 2003.
Masterson, sem nú er 48 ára, er bandarískur leikari og hvað þekktastur fyrir leik sinn sem Steven Hyde í That '70s Show á árunum 1998-2006. Meðal leikara í þáttunum voru einnig Ashton Kutcher og Mila Kunis. Þættirnir voru m.a. sýndir lengi í sjónvarpi hérlendis.
Samkvæmt dómskjölum sem lögð voru fram í gær af lögfræðingi Masterson kemur fram að hann telji að fjölmörg mistök og hlutdrægni hafi haft áhrif á dóminn.
Þá heldur lögfræðingurinn því fram að tveir grundvallargallar séu á sakfellingu Masterson: að rangir dómsúrskurðir hafi haft áhrif á kviðdómendur og að til sé fjöldi sönnunargagna til stuðnings máli Masterson sem hafi aldrei verið lögð fyrir kviðdóminn.
Masterson var handtekinn fyrir nauðganirnar árið 2020 og neitaði sök í janúar 2021. Hann var fundinn sekur fyrir réttarhöldum árið 2023 og sakfelldur í tveimur af þremur ákæruliðum, en í þeim þriðja var kviðdómur í pattstöðu og honum því vísað frá.
Fjölskylda Masterson heldur ró sinni þrátt fyrir þungan dóm í þeirri vissu að „sannleikurinn“ muni að endingu koma í ljós.
Matseðlar bara á ensku á mörgum veitingastöðum
Framkvæmdir hófust á undan leyfinu
Heildarflatarmálið 9 km²: Landris heldur áfram
KSÍ vill varanlegt áfengisleyfi
Spretthópur fjallar um gufubaðsreglur
/frimg/1/53/75/1537503.jpg)
Hálf öld frá mannskæðum flóðum
Mögulega tíðinda að vænta í dag