Þorleifur Örn gekk blóðugur af sviði

Það getur ýmislegt óvænt komið upp á við leikhússtörfin og það sannaðist heldur betur á fyrstu æfingu með áhorfendum á leikverkinu Köttur á heitu blikkþaki, sem frumsýnt verður þann 28. desember, í leikstjórn Þorleifs Arnar Arnarssonar á miðvikudagskvöldið.

Það greip um sig ákveðin taugaspenna þegar einn úr leikhópnum veiktist skömmu áður en stíga átti á svið. Í stað þess að aflýsa rennslinu ákvað Þorleifur að hlaupa sjálfur í skarðið en gekk blóðugur af sviði líkt og sést á meðfylgjandi mynd.

Sem betur fer var um leikhúsblóð að ræða en meðleikarar hans héldu í fyrstu að flaska sem „brotin“ var á höfði leikstjórans hefði valdið raunverulegum skaða. Þann misskilning var ekki hægt að leiðrétta fyrr en að rennsli loknum.

„Ég gat ekki hugsað mér að missa af þessu tækifæri til að prófa efnið með áhorfendum,“ sagði Þorleifur Örn eftir æfinguna, þar sem hann vakti aðdáun fyrir leikræna túlkun sína.

„The show must go on“

Rennslið gekk vel þrátt fyrir þessar óvæntu uppákomur, áhorfendur voru mjög hrifnir og klöppuðu vel fyrir leikhópnum sem sýndi styrk sinn þegar á reyndi. Leikhúsblóðið, sem sást á Þorleifi eftir líflega senu, bætti aðeins við dramatíkina og létti andrúmsloftið í salnum þegar hann útskýrði það. Enn fremur jafnaði leikarinn sem Þorleifur leysti af sig hratt og vel og var mættur aftur á æfingu í gær.

Tímalaus klassík Tennessee Williams vakti mikla lukku áhorfenda og salurinn undirstrikaði mikilvægi þess að fá tækifæri til að prófa verkið með sal fullan af fólki áður en tjöldin lyftast fyrir alvöru.

Eins og Þorleifur sagði brosandi eftir kvöldið: „The show must go on!“

Frétt af mbl.is

„Hjónarúmið verður að vígvelli“

• Blogga um frétt