Eiginkona Bruce Willis deildi einlægri færslu
Setja bókamerki
Tengdar fréttir
Poppkúltúr
Emma Heming Willis, eiginkona Bruce Willis, deildi einlægri færslu á Instagram-síðu sinni á sunnudag í tilefni af 17 ára sambandsafmæli hennar og leikarans.
Eins og margir vita greindist Willis með alvarlegt tilfelli heilabilunar (e. frontetemporal dementia) í upphafi síðasta árs og hefur sjúkdómurinn valdið skerðingu á hugsun og vitrænni getu Bruce, sem hefur alfarið dregið sig úr sviðsljósinu.
Emma, sem hefur verið iðin við að upplýsa aðdáendur leikarans um líðan hans, birti fallega mynd af þeim hjónum í tilefni dagsins og sagði lífið fullt af erfiðleikum, áskorunum og áföllum. Hún viðurkenndi einnig að hún myndi ekki vilja breyta neinu ef hún fengi tækifæri til þess að gera hlutina upp á nýtt.
„17 ár af okkur“
Sambandsafmæli vöktu áður spennu – en nú, ef ég á að vera hreinskilin, þá hræra þau í tilfinningunum og skilja eftir sig þyngsli í hjarta og ónot í maga. Ég gef mér 30 sekúndur til að finna fyrir sorg og spyrja: „Af hverju hann, af hverju við?“. En svo hristi ég þetta af mér og sný aftur í raunveruleikann. Og hann er ... skilyrðislaus ást. Ég er þakklát fyrir að vita það og það er þess vegna sem ég myndi gera þetta aftur, og án þess að blikka,“ skrifaði Emma við færsluna.
Emma og Bruce gengu í hjónaband á Turks og Caicoseyjum þann 21. mars árið 2009 og eiga tvær dætur fæddar 2012 og 2014. Leikarinn á einnig þrjár uppkomnar dætur með leikkonunni Demi Moore.
Tengdar fréttir
Poppkúltúr
Fluttur af gjörgæslu eftir hnífaárás
Bylurinn var alveg svartur
Aðgerðum slökkviliðs lokið
Leiðir bara upp á fimmtu hæð
Sérsveitin kölluð til: Einn í lífshættu
Árásarmaðurinn úrskurðaður í gæsluvarðhald
Tvær sprengjur fundust í New Orleans
Sigmundur Davíð rifjaði upp gamla takta