Bandaríski gamanleikarinn Will Ferrell hefur húmor fyrir sjálfum sér og nýtir hvert einasta tækifæri til að sýna það í verki, líkt og hann gerði á sunnudagskvöldið.

Ferrell var meðal áhorfenda á leik Los Angeles Kings og Philadelphia Flyers á Crypto-leikvangnum í Los Angeles á sunnudag og vakti mikla athygli viðstaddra.

Leikarinn, sem er mikill stuðningsmaður íshokkíliðsins Los Angeles Kings, mætti klæddur upp eins og karakter hans úr kvikmyndinni Elf, Buddy, og fylgdist vel með framvindu leiksins í fullum skrúða.

Ferrell hagaði sér þó ekki líkt og álfurinn Buddy, sem er eins og flestir þekkja spenntur og glaður í lund, heldur var leikarinn eitthvað súr á svip, með sígarettu á milli varanna og bjór í hönd.

Myndskeið af Ferrell úr áhorfendastúkunni hefur farið líkt og eldur í sinu um netheima og vakið mikla lukku.

Tengdar fréttir

Poppkúltúr

Hverjir taka Grammy-verðlaunin heim í kvöld?

• Trans leikkona biðst afsökunar á umdeildum færslum
• Skildi buxurnar eftir heima
• Blaðamaður Vogue gagnrýnir portrett af forsetafrúnni
• Fyrrverandi eiginkona Costner trúlofuð gömlum félaga hans

» Fleiri tengdar fréttir

• Blogga um frétt