Krefst milljarða í bætur
Setja bókamerki
Justin Baldoni, leikari og leikstjóri kvikmyndarinnar It Ends With Us, hefur höfðað meiðyrðamál á hendur bandaríska fréttamiðlinum New York Times vegna greinar sem birtist í blaðinu og á vefsíðu miðilsins þann 22. desember síðastliðinn.
Greinin, sem ber heitið We Can Bury Anyone: Inside a Hollywood Smear Machine, kafar ofan í alvarlegar ásakanir leikkonunnar Blake Lively, sem fer með annað aðalhlutverkanna í kvikmyndinni, í garð Baldoni, en Lively segir hann hafa sýnt af sér óviðeigandi hegðun á tökusetti og reynt að sverta orðspor sitt eftir að hún tjáði sig opinberlega um fjandsamlegt vinnuumhverfi seint á síðasta ári.
Í kærunni, sem er 87 blaðsíðna löng, er því haldið fram að New York Times hafi birt grein sem sé uppfull af rangfærslum, vanþekkingu og skilningsleysi og fjalli aðeins um málið frá sjónarhorni Lively. Birtingin varð meðal annars til þess að Baldoni var sagt upp af umboðsskrifstofu hans, WME.
Baldoni hefur haldið því fram að ásakanir Lively séu falskar og fer fram á 250 milljónir bandaríkjadala, jafnvirði 35 milljarða króna, í bætur frá fjölmiðlarisanum vegna innrásar blaðsins í einkalíf hans og ærumeiðinga gegn honum.
Mesta vatnshæð frá upphafi mælinga
Andlát á hjúkrunarheimili ekki alvarlegt tilfelli
„Ýmislegt fleira sem kemur í ljós á næstu vikum“
Liggur þungt haldinn á gjörgæsludeild
Binda enda á 63 ára útgerðarsögu
Gera má ráð fyrir hálku
Sannfærð um að „gullmolar“ leynist í tillögunum
Aldrei fleiri útlendingar afplánað dóm á Íslandi
