Snorri vill verða næsti Bjarni Ben

Snorri Ásmundsson listamaður hefur ákveðið að bjóða sig fram sem formaður Sjálfstæðisflokksins. 

„Ég hef ákveðið að gefa kost á mér í formannssætið í Sjálfstæðisflokknum, eftir að hafa fengið skilaboð í draumi. Mig dreymdi að Ólafur Thors kom til mín hvítklæddur í jakkafötum og rétti mér epli. Ég tók við eplinu og þá sá ég að Margaret Thatcher stóð fyrir aftan hann og brosti blíðlega. Ég tók eplið og sá þá að það var skorið í eplið bókstafurinn D. Ég leit þá aftur á Ólaf og sá þá að hann hafði breyst í Bjarna Ben. Þegar ég vaknaði ráðfærði ég mig við draumaráðningafólk og þau voru öll sammála um að þetta væru skýr skilaboð um að ég ætti að taka við flokknum. Ég er bæði meir og þakklátur og er stoltur af rótum mínum í flokknum, en afi minn, nafni minn sat stofnfund heimdallar. Ég tek glaður við flokknum og ætla að stefna til sigurs í næstu alþingiskosningum sem verða boðaðar innan 6 mánaða,“ segir Snorri í fréttatilkynningu sem hann sendi út rétt í þessu. 

Margaret Thatcher var forsætisráðherra Bretlands en hún féll frá 2013. Adam Butler/AFP

• Blogga um frétt