Leikarinn og raunveruleikastjarnan Paul Danan, sem er líklega hve þekktastur fyrir hlutverk sitt í bresku sápuóperunni Hollyoaks og þátttöku sína í raunveruleikaþáttaröðinni Celebrity Love Island, er látinn 46 ára að aldri.

Kynningarteymi Danan greindi frá andlátinu í fréttatilkynningu.

„Það er með mikilli sorg í hjarta sem við segjum frá því að Paul Danan er látinn. Ótímabært andlát hans skilur eftir sig tómarúm í lífi allra þeirra sem þekktu hann. Við biðjum um frið til að syrgja,” sagði í fréttatilkynningu.

Danan hafði átt við heilsuvandamál að stríða undanfarna mánuði og greindi meðal annars frá því á síðasta ári að hann ætti við öndunarbilun vegna mikillar notkunar rafrettna. Leikarinn missti meðvitund á heimili sínu í júní og var endurlífgaður af fjölskyldumeðlimi og fluttur á sjúkrahús þar sem hann lá í lífshættu á gjörgæsludeild í einhverja daga.

Dánarorsök Danan hefur ekki verið gefin upp.

Danan birti færslu á Instagram-síðu sinni fyrir viku síðan þar sem hann sýndi frá áheyrnarprufu sinni fyrir uppfærslu á leikverki Shakespears A Twelfth Night.

Tengdar fréttir

Poppkúltúr

Gaf fötin sín í þágu góðgerða

• Drake fer í hart gegn Kendrick Lamar
• Fíknivandi Fury leiddi til sambandsslita
• Hilton safnaði yfir 100 milljónum
• Jackman í kossaflensi í Kaliforníu

» Fleiri tengdar fréttir

• Blogga um frétt