Bubbi lenti í leiðinlegu atviki: „Öskraði úr sér lungun á hundinn“

Tónlistarmaðurinn Ásbjörn Kristinsson Morthens, betur þekktur sem Bubbi Morthens, lenti í leiðindaatviki þegar hann var á göngu með hundinn sinn, hana Lúnu, fyrr í dag.

Bubbi greindi frá atvikinu í Facebook-hópnum Íbúar á Seltjarnarnesi.

Í færslunni segir Bubbi ólalausan mjóhund hafa komið æðandi að sér og Lúnu, en hundurinn var hluti af hópi fimm hunda, allir ólalausir, sem ungur maður var með á göngu.

Bubbi segir unga manninn ekki hafa haft neina stjórn á hundinum sem hafi stokkið upp um hann og hrætt Lúnu. Þegar Bubbi sagði manninum að það væri óásættanlegt að hafa hunda á lausagöngu þá hafi hann brugðist illa við og sagt Bubba að róa sig á meðan hann öskraði úr sér lungun á hundinn.

Bubbi endaði færsl­una á því að hvetja hunda­eig­end­ur til að hafa hund­ana sína í ól.

Frétt af mbl.is

Bubbi fær ekki nóg af nýja fjölskyldumeðlimnum

Bubbi og Lúna eru mikl­ir fé­lag­ar og fara mikið í göngu­túra í kring­um Gróttu. Tón­list­armaður­inn birt­ir reglu­leg­a mynd­ir á In­sta­gram frá göngu­túr­um þeirra í nátt­úr­unni.

• Blogga um frétt