Spænsk-mexíkóska leikkonan Karla Sofía Gascón, sem hlaut á dögunum tilnefningu til Óskarsverðlaunanna fyrir leik sinn í hinni margtilnefndu mynd Jacques Audiard, Emiliu Pérez, hefur beðist afsökunar á gömlum færslum sem hún birti á samfélagsmiðlinum X, áður þekkt sem Twitter.

Þar skrifaði hún fyrir einhverjum árum síðan færslur þar sem hún meðal annars móðgaði múslima og talaði illa um George Floyd heitinn.

Frétt af mbl.is

Chauvin fær 22 ára dóm fyrir morðið á Floyd

Blaðakonan Sarah Hagi vakti athygli á þessum umdeildu færslum leikkonunnar á samfélagsmiðlum á fimmtudag og vakti færsla hennar mikla athygli.

„Það er alveg hreint ótrúlegt að Karla Sofía Gascón skuli enn þá vera með þessi „tíst“ sýnileg. Ég hef aldrei séð „tíst“ af þessu tagi hjá einhverjum sem er að berjast fyrir því að vinna til Óskarsverðlauna,” skrifaði Hagi við skjáskot af færslum leikkonunnar.

Gascón, sem er fyrsta trans manneskjan til að hljóta tilnefningu til Óskarsverðlaunanna í 96 ára sögu hátíðarinnar, gaf frá sér yfirlýsingu þar sem hún baðst afsökunar á orðum sínum.

„Sem einstaklingur sem tilheyrir jaðarhópi, þekki ég vel þessa þjáningu. Ég harma óendanlega þann sársauka sem ég hef valdið. Allt mitt líf hef ég barist fyrir betri heimi.

Ég trúi því að ljósið muni ávallt sigra myrkrið,“ sagði leikkonan. 

Gascón, 52 ára, kom út úr skápn­um sem trans árið 2016 og gekkst und­ir kyn­leiðrétt­ingu tveim­ur árum seinna.

Frétt af mbl.is

Gascón skráði nafn sitt á spjöld sögubókanna

Em­ilia Pér­ez, sem fjall­ar um lög­fræðing­inn Ritu sem aðstoðar hátt­sett­an glæpa­for­ingja við að und­ir­gang­ast kyn­skipti, hef­ur vakið mikla at­hygli og var meðal ann­ars val­in besta mynd­in í flokki gam­an- og söng­leikja­mynda á Gold­en Globe-verðlauna­hátíðinni fyrr í mánuðinum.

Gascón flutti til­finn­ingaþrungna ræðu til stuðnings trans fólki á hátíðinni.

Frétt af mbl.is

Emilia Pérez með flestar tilnefningar

Tengdar fréttir

Poppkúltúr

Skildi buxurnar eftir heima

• Blaðamaður Vogue gagnrýnir portrett af forsetafrúnni
• Fyrrverandi eiginkona Costner trúlofuð gömlum félaga hans
• Stewart hefur ekki tapað kynþokkanum með aldrinum
• Þyngdi sig um 10 kíló fyrir hlutverk

» Fleiri tengdar fréttir

• Blogga um frétt