Dóttir Meryl Streep fær mikinn stuðning sem lesbía
Setja bókamerki
Louisa Jacobson, leikkona og yngsta barn Meryl Streep, segist hafa fengið mikinn stuðning þegar hún kom út úr skápnum í fyrra en hún opinberaði samband sitt og kærustu sinnar, Önnu Blundell, í júní 2024.
Í viðtali við tímaritið People á laugardag, á viðburði Human Right Campaign (HRC), sagðist hin 33 ára Jacobson vera þakklát fyrir stuðninginn. Hún er yngsta barn Streep og Don Gummer og gengur undir fornafni og millinafni.
Hún hlaut viðurkenningu frá HRC, sem eru stærstu réttindasamtök samkyn- og tvíkynhneigðra, transfólks og hinsegin fólks, fyrir áhrifin sem hún hefur á málstað samtakanna bæði á og frá skjánum.
„Ég er svo þakklát HRC og hissa því ég er svo nýkomin út,“ sagði hún í viðtalinu. Í ræðu sinni á viðburðinum sagði hún hve mikilvægt væri, sem leikari, að fella grímuna og vera hún sjálf. Það sama ætti við um lífið: „Stundirnar sem við fellum grímuna og leyfum okkur að sjást, þetta eru stundirnar sem við virkilega tengjumst öðrum.“
„Líklega versta veður ársins“
Bílstjórinn dæmdur fyrir að verða Ibrahim að bana
Karlar á bótum bak við flest brotanna
„Verstu fjöldaárásir í sögu Svíþjóðar“
Segir deiluaðilum að hætta hnútukasti í fjölmiðlum
Pólitísk óvild ekki ástæða lækkunar
Verkfallið fær „mjög hraða meðferð“