Fyrr­ver­andi eig­in­kona Arnolds Schw­arzeneggers, Maria Shri­ver, deil­ir skilnaðarferl­inu og tauga­veiklun­inni sem það olli í nýrri bók, I am Maria. 

Shri­ver og Schw­arzenegger eiga sam­an fjög­ur upp­kom­in börn, Kat­her­ine, 35 ára, Christ­inu, 33 ára, Pat­rick, 31 árs, og Christoph­er, 27 ára. Schw­arzenegger, sem flest­ir þekkja úr Term­inator-kvik­mynd­un­um, starfaði einnig sem rík­is­stjóri Kali­forn­íu­fylk­is 2003-2011. Shri­ver og Schw­arzenegger voru í hjóna­bandi árin 1986-2021.

Þau skildu eft­ir 25 ár, aðeins stuttu áður en Schw­arzenegger viður­kenndi faðerni Joseph Baena sem hann eignaðist með hús­hjálp­inni Mildred Patty Baena.

„Ég var þjökuð af sorg, reiði, ótta og kvíða,“ viður­kenn­ir Shri­ver. „Ég var ekki leng­ur viss um hver ég væri, hvar ég ætti heima. Satt að segja var þetta ljótt og ég var dauðhrædd.“

Hún þurfti að yf­ir­stíga ótt­ann við að missa orðstír­inn um hina full­komnu am­er­ísku fjöl­skyldu. Hún leitaði aðstoðar fjölda sér­fræðinga og komst að því að ein leið til að kom­ast yfir sorg­ina var að semja ljóð.

E News

Tengd­ar frétt­ir

Ást í Hollywood

Opn­ar sig um sam­bandið við DiCaprio

• Er þetta heit­asta parið um þess­ar mund­ir?
• Tiger Woods op­in­ber­ar ást­ina
• Kær­asta Liams Payne deil­ir síðustu minn­ing­um þeirra
• Son­ur Schw­arzenegger kviknak­inn í nýrri aug­lýs­inga­her­ferð

» Fleiri tengd­ar frétt­ir

• Blogga um frétt