Gyðingar mega ekki syngja í sturtu

Mordechai Eliahu, fyrrum yfirrabbíni í Ísrael, hefur úrskurðað að samkvæmt Talmud, lögbókum gyðingatrúar, megi ekki syngja í sturtu en hins vegar megi raula lög án þess að orðin heyrist.

„Það á ekki að syngja í sturtunni," sagði Eliahu í útvarpsþætti strangtrúaðra gyðinga þegar hlustandi hringdi og bar fram þessa spurningu.

Eliahu útskýrði, að ekki mætti óhreinka hebresku, sem er heilög samkvæmt gyðingatrú, með því að tala hana í baðherbergjum. Hins vegar væri viðunandi að raula lög án þess að orð heyrðust.

• Blogga um frétt