Flugmaður fékk taugaáfall í flugi

Flugvél Air Canada nauðlenti á Írlandi eftir að flugmaður í vélinni virtist hafa fengið taugaáfall.  Farþegi í vélinni sagði flugmanninn hafa verið borinn út úr vélinni öskrandi og blótandi, og bað hann um að fá að tala við Guð.

Fram kemur á fréttavef BBC að flugið frá Toronto til Heathrow lenti á Shannon flugvelli á Írlandi eftir að áhöfnin tilkynnti um neyðarástand. 

Air Canada hefur staðfest að meðlimur áhafnarinnar hafi verið veikur en staðfesti ekki hvort hann hafi átt við geðræn vandamál að stríða.

„Öryggi farþega og áhafnar var aldrei í vafa," sagði talsmaður Air Canada.

Einn farþeganna sagðist hafa séð varaflugmanninn vera borinn inn í klefa í hömlum. „Hann var mjög sturlaður, hann öskraði mjög hátt og blótaði og bað um að fá að tala við Guð."

Farþegar vélarinnar fengu hótelherbergi á meðan önnur áhöfn var fundin og komust á leiðarenda til London átta tímum síðar.

• 8 blogg um fréttina

Bloggað um fréttina

• Jenný Anna Baldursdóttir: Stundum er best að steinhalda júnó
• Kristín M. Jóhannsdóttir: Ekki við mig að sakast
• Jakob Falur Kristinsson: Taugaáfall
• Sigríður Sigurðardóttir: Á sjokkflugi!
• Hallgrímur Guðmundsson: Karl ræfillinn var að lesa lögin....
• Svanur Sigurbjörnsson: Vesalings guðskerti flugmaðurinn
• Frikkinn: Þurfti hann að skrifta ?
• Guðborg Eyjólfsdóttir: Flugmenn eru víst eins og allir aðrir