Ljónin éta Maríus

Hópur fólks hefur í dag mótmælt þeirri ákvörðun stjórnenda dýragarðsins í Kaupmannahöfn að lóga gíraffanum Maríusi. Búið er að gefa ljónunum í garðinum hluta af kjötinu af Maríusi.

Maríus var felldur vegna reglna Evrópusambandsins sem miða að því að koma í veg fyrir skyldleikaræktun. Reynt var að finna honum annað heimili, en það tókst ekki.

Dýragarðurinn í Hollandi bauðst í morgun til að taka Maríus að sér, en því var hafnað. Hann var því skotinn í morgun. Myndir hafa í dag birst af ljónum í dýragarðinum sem eru að gæða sér á kjöti af Maríusi.

• Blogga um frétt