Jóhannes A. Sævarsson, sem hafði umsjón með nauðasamningum Milestone, telur að eignir hafi verið færðar frá félaginu yfir í annað félag í Svíþjóð án þess að raunverulegt endurgjald hafi komið til. Um gjafagerning sé að ræða sem sé riftanlegur. Umræddar eignir eru Sjóvá, Askar Capital og Lyf og heilsa.

Kröfuhafar Milestone hafa viljað skoða hvort reyna eigi að rifta þessum tilfærslum eigna milli félaga. Jóhannes bendir á í skýrslu sinni að ekki sé sjálfgefið að verðmæti skili sér þótt það gangi eftir. Kröfuhafar Milestone höfnuðu nauðasamningi í gær og fer félagið því í gjaldþrotameðferð. Glitnir er stærsti kröfuhafinn.