Samkvæmt ákvörðun Fjármálaeftirlitsins þarf fjármögnun Nýja Landsbanka Íslands (NBI) og útgáfa fjármálagernings um lokauppgjör vegna ráðstöfunar eigna og skulda Landsbanka Íslands til NBI að vera lokið í síðasta lagi þann 9. október.

Er þetta tíunda breytingin sem Fjármálaeftirlitið gerir á ákvörðun eftirlitsins um ráðstöfun eigna og skulda Landsbanka Íslands til Nýja Landsbanka Íslands (NBI) frá hruni bankans fyrir rúmu ári síðan.

Í ákvörðun FME frá 14. ágúst sl. var sagt að fjármögnun ætti að ljúka fyrir 18. september og að lokauppgjörið ætti að fara fram í síðasta lagi 30. september. Eins og áður segir hefur því nú verið frestað til 9. október.

Sjá nánar á vef FME