Jón Ásgeir Jóhannesson, fyrrverandi aðaleigandi Baugs Group og fleiri hlutafélaga, situr enn í stjórn tveggja breskra félaga sem eru í eigu BG Holding, dótturfélags Baugs.

Jón Ásgeir situr þar í umboði skilanefndar Landsbankans. Fyrirtækin eru Iceland Food Stores og House of Fraser. Gunnar Sigurðsson, fyrrverandi forstjóri Baugs, situr í stjórnum tveggja fyrirtækja sem Baugur átti á sínum tíma.

Samkvæmt upplýsingum frá skilanefnd Landsbankans sitja þeir Jón og Gunnar í stjórnunum að kröfu tilsjónarmanns BG Holding í Bretlandi meðan á endurskipulagningu þeirra stendur, en henni lýkur brátt.